Адыгам / Circassian - Гъубжокъуэ Лиуан

Объявления

"Черкесский круг" в вашем городе!

Премьерные показы танцевального шоу "Черкесский круг" состоятся в Майкопе, Черкесске, Москве, Санкт-Петербурге и Нальчике. Читайте расписание гастролей шоу от организаторов.

| читать дальше...

Матч Адыги - Камерун. Чемпионат МФЛ 2008.

17 Мая в 21-00 на стадионе МВА (Москва, ул. Академика Скрябина, д. 23) в рамках Чемпионата МФЛ 2008 по футболу состоится матч между командами "Адыги" и "Камерун".Приглашаем всех желающих поболеть за нашу команду! Вход свободный!

Схема проезда >>

Адыгэ Джэгу в Черкесске

17 мая в 16:00 в Центральном парке г. Черкесск состоится Адыгэ Джэгу с участием гостей из Нальчика.

| читать дальше...

«Гъагъэ, си адэжь хэку!»

20 мая 2008 г. Международная Черкесская Ассоциация и народный артист КБР Хусен Маремуков представляют программу «Гъагъэ, си адэжь хэку!».

| читать дальше...

"Громовый гул" последние представления

Последние представления, перед снятием из репертуара "Кабардинского государственного театра им. А. Шогенцукова", спектакля "Громовый гул" по мотивам одноименной повести М. Аджук-Гирея (М. Лохвицкого) пройдут 15 мая в Черкесске и 21 мая в Нальчике.

| читать дальше...

21 мая 1864

Личность

Казбек Балкаров: «Хатти – это одна большая, дружная семья»

Ансамбль адыгского танца «Хатти» появился на звездном небосклоне Кабардино-Балкарской республики сравнительно недавно в 2005г. Восхождение оказалось стремительным. За неполные два с половиной года они показали себя практически во всех концертных программах Черима Нахушева, Султана Хажирокова и многих других известных артистов республики. В нашумевшем проекте Роберта Саральпа «Черкесский круг» их роль оказалась далеко не последней.

| читать дальше...

Наши проекты - скоро ...

Гъубжокъуэ Лиуан

ЗИ ПЩIЭР ЛЪАГЭ, ЗИ ГУАЩIЭР ИН УСАКIУЭ

И псалъэ шэрыуэр лъэпкъым къыхуэнащ

Студенту дыщыщыта илъэсхэм тIуми ди усэхэр газетхэм къытехуэрт, радиокIэ къатт. АбыкIэ дэ къыддэIэпыкъурт «Ленин гъуэгу» газетым щылажьэ ТIажь Петррэ радиом и лэжьакIуэ Емуз Гъузеррэ. Еджэн къэдуха нэужь, 1961 гъэм Гъубжокъуэм и япэ усэ тхылъыр, «Шэрэдж толъкъунхэр» зыфIищар, дунейм къытехьащ. Сэ япэу абы рецензэ хуэстхауэ щытащ. Тхылъеджэхэри критикхэри а тхылъым гуапэу IущIат. Апхуэдэу ди литературэм къыхыхьащ иужькIэ усакIуэ цIэрыIуэ хъуа, зи усэхэр бзэ зыбжанэкIэ зэрадзэкIа, Украинэм хыхьэ Винницэ областым щыщ, тIэунейрэ Социалист Лэжьыгъэм и ЛIыхъужь Желюк Ф.А. и цIэкIэ щыIэ литературэ саугъэтыр зрата, КъБАССР-м щэнхабзэмкIэ щIыхь зиIэ и лэжьакIуэ цIэр зыфIаща Гъубжокъуэ Лиуан.

Ди критик гъуэзэджэ Сокъур Мусэрбий итхыгъат: «ГущIэгъумрэ гумащIагъ щабэмрэ бжьыпэр щаIыгъщ Гъубжокъуэ Лиуан и лирикэм». Абы щыхьэт тохъуэ щIалэгъуэм, лъагъуныгъэм, ныбжьэгъугъэм, дыкъэзыухъуреихь дунейм теухуауэ итха усэхэри, цIыхубэм я дзапэ уэрэду къыхуэнахэри, псом хуэмыдэу «Уи цIэр Мадинэ хьэмэ Маринэ», «Псынэдахэ - си нэ дахэ» жыхуиIэхэр. Ахэр зэи жьы хъунукъым, яхэлъ гурыщIэ къабзэр цIыху псоми я дежкIэ лъапIэщи, лъагэщи.

Лиуан хуабжьу гумызагъэу елэжьу щытащ усэм, сэ абы фIыуэ сыщыгъуазэщ. ЩIэуэ зыгуэр итхамэ, сыкъригъаджэрт, къызэупщIырт: «Дауэ къыпщыхъуа?». Сэри арат, езгъэлъагъурт си усэхэр. Лиуан сыт щыгъуи чэнджэщ тэмэм къуитыфырт. Ар ткIийуэ бгъэдыхьэрт усэм и гъэпсыкIэми. Зэпымыууэ хущIэкъурт рифмэхэр щIэщыгъуэу, усэпкъыр шэщIауэ щытыным икIи ар къехъулIэрт.

Гъубжокъуэм езыр зыхуей темэхэр, гупсысэхэр Iэзэу гъащIэм, махуэ къэс дызыхуэзэ Iуэхугъуэхэм къыхихыфырт. Апхуэдэу зэрыщытым сэ куэдрэ гу лъыстащ, ауэ псом хуэмыдэу сигу къинэжащ мыр. Зэгуэрым Лиуан здэсшэри, си анэм деж ди къуажэ сыкIуэжат. БжьыхьэкIэт, щIыIэ хъууэ хуежьат. Пщыхьэщхьэм си анэр тхуэпщафIэри, куэдрэ дыщысащ дыуэршэру. Лиуан и псалъэм къыхигъэхуат анэ зэримыIэжыр. Дыщыжей пэшым си анэр ныщIыхьэри, япэ щIыкIэ Лиуан телъ шхыIэныр щIиупщIащ, абы и ужькIэ - сысейр. Си ныбжьэгъум ар хуабжьу и гуапэ хъуащ. «Япэ си шхыIэныр щIиупщIащ!» - жиIэрт абы.

Къуажэм дыкъикIыжри, зы мазэ хуэдэ дэкIауэ, Лиуан сыкъригъэджащ «Си ныбжьэгъухэм» зыфIища усэм. Абы хэтт мыпхуэдэ сатырхэр:

Фи анэхэр къысхуэхъурт анэ папщIэ,
Сшхащ куэдрэ ахэм я шыгъупIастэ IэфI.
Анэншэщ, жаIэу нэхъ къысхуэгумащIэу,
НэлейкIэ сэ къызэплъу, сигу схуагъэфIт,

Севгъэблэгъамэ, куэдым къыщIэупщIэт,
Ягу хэхъуэрт дызэгъусэу ялъагъуху.
Дыжеижам, шхыIэныр къытщIаупщIэт…

Мыбдеж сыщытепсэлъыхьыну сыхуейщ Лиуан и зы усэ - «Си лъахэ - си удз дахэ» жыхуиIэм.

Мы зы усэм фIэкIа къемыджами, цIыхум Iэмал имыIэу зыхищIэнущ мыр зытхам и хьэл-щэныр, и гупсысэр, гуапагъэу, хьэлэлагъыу хэлъыр. Усэр зэIухащ, зи бжэр IугъэзэщIыкIа хьэщIэщым хуэдэу. КъехьэкI-нехьэкI хэмылъу усакIуэм къыджиIащ езыр зыгъэпIейтея гупсысэр. Адыгэм диIэщ «Си ужькIэ хуейми удзи къремыкI» псэлъафэр. Ар япэ дыдэу зи жьэ къыжьэдэкIар, дауи, цIыху щIагъуэтэкъым. Ар зэгупсысыр, абы фIыуэ илъагъур езым и щхьэ закъуэрат, «сэ сыпсэумэ, адрейхэр зэпыту ирекIуэ» жызыIэ гуэрт.

«Си ужькIэ хуейми удзи къремыкI» псэлъафэр игъащIэ лъандэрэ ди лъэпкъым къыдогъуэгурыкIуэ. Ар къыпхыкIащ илъэсищэ Iэджэм, хуэзащ фIэфI дыдэу ар къэзыпсэлъа Iэджэми, абыкIэ мыарэзыуэ, ар имыдэу къэува нэхъыбэжи. Ауэ, дауэ хъуами, ди зэманыр къэсыху абы усакIуэхэм зыхуагъэзакъым, уеблэмэ ди зэманым псэуа е ноби псэу усакIуэ куэд блэкIащ абы. Гъубжокъуэр блэкIакъым. Зэрыхуэзэу, псэлъафэ мыфэмыцым ар къигъэскIащ, зэгуигъэпащ, игъэпIейтеящ. УсакIуэм къыгурыIуащ абы езэгъырабгъу зэрыхуимыIэр, хуиIэнкIи зэрымыхъунур. Зэхуэзащ ещтауэмрэ щтаучымрэ икIи абыхэм я кум мафIэ къыдихащ - дунейм къытехьащ Лиуан «Си лъахэ - си удз дахэ» зыфIища усэ гъуэзэджэр. КъытемыхьэнкIи Iэмал иIакъым - ар Лиуан и темэт. Гъубжокъуэм хуэдэу гу хьэлэл, псэ къабзэ зиIэ, цIыхугъэм, захуагъэм я телъхьэ усакIуэр къызэщIимыгъэплъэнкIэ, къызэщIимыгъэнэнкIэ Iэмал иIэтэкъым а псэлъафэ бзаджэм, гуемыIум. ИкIи усакIуэм мурад ищIащ абы зауэ гуащIэ ирищIэкIыну. Псэлъафэм утекIуэныр зэрымытыншыр фIыуэ къыгурыIуэрт Лиуан. Абы занщIэу зебдз хъунутэкъым. ЯпэщIыкIэ къыхуэгъуэтын хуейт зэрытекIуэн Iэмалхэр. Ахэр зэхуихьэса, зэригъэуIуа нэужь, усакIуэр хуежьащ, жыг дакъэжьым хуэдэу быдэу, куууэ гъащIэм хэт псэлъафэм ебгъэрыкIуэным.

Псалъэм текIуэн хуейт псалъэкIэ. КуэдкIэ нэхъ Iущ, нэхъ жан, модрейр зэхэзыкъутэфын, абы щыщ къыхэзымынэн псалъэкIэ. Апхуэдэ псалъэхэр къыхуэгъуэтащ усакIуэм. Къигъэуващ ахэр икIуэт зымыщIэ сэлэт хахуэхэу.

УсакIуэр йогупсыс апхуэдэ псалъэ цIыхум къыжьэдэкIын хуей щIэхъуам. Сыту пIэрэт ар абы езыхулIар?

Мо дыгъэ къепсу псоми хуэжумартым
И бзийхэм щыщ абы къылъымысарэ?..
Ар дауэ цIыхум и жьэ къыжьэдэукI:
«Си ужькIэ хуейми удзи къремыкI…»

Апхуэдэ цIыхум усакIуэм пэщIегъэувэ псоми фIы яхуищIэну щIэхъуэпс цIыху. Абы игъэкIа удз гъэгъахэр гъунэгъу Iыхьэу кърегуэшэкI, пщIэуэ къаIихри я нэщхъыфIагъэ къудейрщ.

Аргуэруи, аргуэруи усакIуэм къытрегъэзэж и упщIэм: «Ар дауэ цIыхум и жьэ къыжьэдэукI…»

Псэлъафэ дыджым усэ сатыр къэс лагъыму иридзурэ, усакIуэм хузэфIокI ар игъэщэщэн. ТекIуащ усакIуэм и псалъэхэр! ТемыкIуэнкIи Iэмал иIакъым.

Ажалыр бжэм нэхъ благъэщ -
Хъумэ къэс -
«Си ужьыр махуэ пхухъу!..»
БжызоIэ, лъахэ.

И къэIуэтэкIэкIи, и бзэкIи, хилъхьа гупсысэкIи гъуэзэджэ хъуащ мы усэр. Iеймрэ фIымрэ, нэхугъэмрэ кIыфIыгъэмрэ игъащIэ лъандэрэ екIуэкI я зэпэщIэтыныгъэм фIыр, нэхугъэр, гуапагъэр, захуагъэр щытекIуэурэ къокIуэкI, армыхъуамэ гъащIэр куэд щIауэ къутэжынти. ХъуэпсапIэ инщ а бэнэныгъэм фIым и телъхьэу ухэтыфыныр. УсакIуэ Гъубжокъуэ Лиуан игъэзэщIэфащ апхуэдэ къалэн.

Усэхэм, уэрэдхэм я мызакъуэу, Лиуан къехъулIэрт тхыгъэ нэхъ инхэри. Ар щынэрылъагъущ Гъубжокъуэм и поэмэхэу «ЩIыщIэ пшыналъэ», «Адэжь фэеплъхэр» жыхуиIэхэм.

Лиуан Iэзэу яхуэтхэу щытащ сабийхэми. Абыхэм папщIэ итха усэхэр, рассказхэр радиокIэ къатырт, газетхэм къытрадзэрт. ЩIэщыгъуэу, сабийр дихьэхыу тхат Лиуан и рассказхэр зэрыт «Пионерым и лIыгъэ», «Ди къуажэ щIалэ цIыкIухэр» тхылъхэр. Абыхэм щыщ куэд урысыбзэкIэ зэрадзэкIри Москва къыщыдэкIауэ щытащ. А тхылъым къеджа нэужь, тхакIуэ цIэрыIуэ Баруздин Сергей мыпхуэдэу итхыгъащ: «Си дежкIэ Iуэху гуапэу къыщIэкIащ къэбэрдей тхакIуэ Гъубжокъуэ Лиуан и тхылъ «Ди къуажэ щIалэ цIыкIухэр» зыфIищар. НапэкIуэцI бжыгъэкIэ тхылъыр мыинми, абы зыубгъуауэ къыщыгъэлъэгъуащ Къэбэрдей лъахэм и нобэрей гъащIэри, и цIыху гъуэзэджэхэм я IуэхущIафэхэри, и дуней дахащэри. Тхылъым ит дэтхэнэ зы рассказри гукъинэжщ, псом ящхьэращи, ахэр купщIафIэщ, сабийхэм я гущIэм лъэIэсу художественнэ пэжагъ яхэлъщ, тхакIуэм и псалъэр еджакIуэ цIыкIухэм я гумрэ я псэмрэ дохьэ».

Лиуан фIыуэ щыгъуазэт ди къэралми нэгъуэщI хэкухэми я усакIуэ нэхъыфIхэм я тхыгъэхэм икIи абыхэм ящыщ куэд адыгэбзэкIэ зэридзэкIащ. Къапщтэмэ, урыс усыгъэм и классикхэу Пушкиным, Есениным, Тихоновым, Симоновым, нэгъуэщI лъэпкъ усакIуэхэу Джалиль Мусса, Гамзатов Расул, Мечиев Кязим, Кулиев Къайсын, ТIарбэ Иван, нэгъуэщIхэми я усэхэр, адыгэбзэкIэ тхам хуэдэу, фIы дыдэу зэридзэкIащ Гъубжокъуэм.

Лиуан и Iэдакъэ къыщIэкIащ ноби я мыхьэнэр зыфIэмыкIуэда, литературэм, гъуазджэм теухуа статьяхэр, цIыху гъуэзэджэхэр къыщыгъэлъэгъуа очеркхэр. А псори зэхуэхьэсауэ къыдэгъэкIыныр гъэгувэн хуэмей, ди литературэм хэлъхьэныгъэфI хуэхъун лэжьыгъэ щхьэпэщ.

Лиуан и творчествэм 80 гъэхэм нэрылъагъуу зиузэщIырт, ар хъурт нэхъ куу, жан, абы къыхыхьэрт гупсысэщIэхэр. Лиуан иIэт мурадыфI куэд икIи ахэр зэригъэзэщIэн Iэзагъи бгъэдэлът. И иужьрей усэхэм ящыщ зым мыпхуэдэу щыжиIащ Лиуан: «Сэ иджыщ щыщIэздзэр сыпсэуну, нэхъ хузэIухауэ сигу пщэдейм». Бетэмал, усакIуэм къехъулIакъым и гур зыхуэплъэ куэдым лъэIэсыну, игъуэ нэмысу зэпычащ и гъащIэ гъуэгур. Зэпычащ и япэ быныр имылъагъу щIыкIэ. И къуэ цIыкIу Алим къыщалъхуар и адэр дунейм ехыжри, мазиплI дэкIа нэужьщ. Сыт пщIэн, псори Алыхь Iэмырщ. Ар жыдоIэри, ди гуауэр идокъух.

Лиуан илъэс 50 щрикъум ирихьэлIэу къыдигъэкIа «ДыгъапIэ» усэ тхылъыр, псалъэ гуапэхэр схутритхауэ, сэ тыгъэ къысхуищIауэ щытащ фокIадэм и 11-м, 1987 гъэм. Илъэсрэ махуийрэ дэкIри, езыр дунейм ехыжащ. Си ныбжьэгъуфIыр, усакIуэ Iэзэр зэрыщымыIэжым и гуауэм сиIыгъыу, стхауэ щытащ мы усэр:

Ныбжьэгъум и кхъащхьэм деж

УсакIуэ Гъубжокъуэ Лиуан и фэеплъу

Ныбжьэгъур си гум укъэкIауэ,
Сэ фи къуажэкхъэм сынихьат,
Жэмтхьэлэ мэзым къыщыкIауэ
Жыгей къудамэ ныздэсхьат.
Сысакъыу, ар теслъхьат уи кхъащхьэм,
Уи фэеплъ сыным Iэ дэслъат,
Нэщхъейуэ ситри сэ уи пащхьэм,
Сыкъежьэжыну сыхуежьат.
Абдеж зэхэсх сфIэщIащ уи макъыу
Сэ фIыуэ сщIэжыр, си ныбжьэгъу:
«Сыкъыбогъанэри си закъуэу,
Укъысхуэмыхъуу тIэкIу псэлъэгъу.
Унэсыжынщ. Сыт ущIэпIащIэр?
Дунейм иджыри уэ утетщ,
Сэ сыухащ атIэ си гъащIэр…
ПсалъитI бжесIэну сэ сыхуейт.
Сыт хуэдэу гугъу щIым ущIэлъыну! -
Хьэдрыхэ хабзэр икъукIэ ткIийщ,
Iэмал щымыIэ ущIэплъыну -
Дунейр ахърэтым егъэбий.
Мыбы нэху щыщкъым, жэщи щыхъукъым,
Мыбы къыщыIуркъым цIыху макъ,
Ныбжьэгъуи благъи къыщыпщIыгъукъым,
ЩыIамэ псэу - щыхъунт ахьмакъ.
Сэ-тIэ сесат сахэту цIыхум,
Я Iуэху зэпэщмэ, сыхъурт лъэщ,
Къызэтезмынэу зэи щIыхуэ,
Ди Хэкум папщIэ слъэкIыр злэжьт.
Сызэхихащ си лъэпкъым, сощIэ,
И фIыщIэ гуапи къыслъысащ.
ХуэсщIэф щыIэжкъым - си гур хощIыр,
Мы кхъэм пасэIуэу сыкъэсащ…
Хъунщ-тIэ, тхьэусыхэр къэдгъэгъани,
Нэхъ Iуэху гурыхьхэм зедгъэтыж.
Сыт фи псэукIэ мы зэманым?
Ар сщIэну Iэмал сымыгъуэтыж.
ЛIэныгъэр, бын згъуэтын къудейуэ,
УощIэж, щэху дыдэу къысхуэкIуат.
Хэт къысхуалъхуами сщIэн сыхуейуэ
Сыпоплъэ. КъызжепIам, арат…»
«Ныбжьэгъу, ухъуакъым лъэужьыншэ -
Уэ птхар цIыхубэм къыздащтащ.
Апхуэдэ дыдэу лIэужьынши
Уэ умыхъуа - Тхьэм къуэ къуитащ…».
ЕкIуэкIт апхуэдэу псалъэмакъыр.
ИтIанэ си щхьэр къызоIэт -
Сурэтыр тету щытт сын закъуэр,
Ар зейр сфIэщIами къызбгъэдэт...

Къагъырмэс Борис.

Макитов Сафар, Тхьэгъэзит Зубер, ЩоджэнцIыкIу Iэдэм, Елгъэр Кашиф, Балъкъэр Фоусэт, КIэщт Мухьэз, Кузьмин Валентин, Бабаев Ибрэхьим, Гъубжокъуэ Лиуан сымэ. 1974 гъэ.

Добавить комментарий

Имя:
Заголовок:
Комментарий:
Код:

Поиск
Поиск по сайту:

Города и районы

	Зольский район Кабардино-Балкарии г.п. Залукокоаже
	Терский район Кабардино-Балкарии г. Терек

Новые статьи

	Сэшхо в руки
	Женская красота... глазами адыгов
	Мадина Саральп: У меня нет никакой легенды
	Сделай шичепщин

Новые mp3

Опрос

Чего, по вашему мнению, не хвтает новому журналу "Псынэ"?

	Цвета
	Статей о светской жизни
	Материала из зарубежной диаспоры
	Материала из республик и городов проживания адыгов
	Возможность распространения в упаковке журнала дисков, с различным содержимым (фильм, музыка, др.)

назад наверх

•