Абы нэхъ лажьэ акъужьым къимыхьк1э.

Адакъэщ1эрэ хущ1э п1астэрэ.

Адыгэ хабзэр адэ щ1эиныжыц.

Адыгэр вакъэ лъэныкъуэу шхэркъым, шхэурэ уэрэд жи1эркъым.

Ажалым «сынок1уэ» жи1эркъым.

Ажалыр зэмып1эщ1эк1ым къэмысын ф1ощ1.

Ажалыр ныбжьэгъукъым, къыпхуеймэ, къоупщ1ыркъым.

«Ажэр зыдыгъуам ажафэ техыгъуэм сы-къищ1энщ», — жи1ащ зи ажэ ядыгъуам.

Ажэр мэлым я пашэщ.

Алащэм уеуэмэ, мэлъэхъу, мылъэхъуххэр шыдщ.

Алыхьым къыптрилъхьэмэ, фошыгъу шей уефэнщ.

Алъпым дыгъужь хуэлъэщ.

Анэ зи1э нэхърэ 1э зыпыт.

Апэсищк1э къызощэху, сом ныкъуэк1э сощэж — фейдэр здэк1уэр къэщ1эж1

Апхуэди мэхъу, шк1эхъужьи мал1э.

Аргъуей мыдзакъэ щы1экъым.

Аргъуейм и куэпкъ щыхахым, «Зыхэпхми еплъ, хэпхми еплъ», — жи1ащ.

Ахъмэт и фо изщ, улъэмы1эсмэ, сыт и сэбэп?

Ахъшэ уи1эмэ, бохъшэ бгъуэтынщ.

Ахъшэр псым хуэдэщ.

Бабыщ псым итхьэлэркъым, мэлыхъуэ хьэм ишхыркъым.

Бадзэ и дзапэ узылъэщ.

Бажэм дыгъужьибл къегъапц1э.

Бажэм и фэр и бийщ.

Бажэм и хьилагъэр япэ итщ.

Бажэм я нэхъ 1ущыр и гъуэм щаубыд.

Бажэр ныбажэ хъумэ, дыгъэмыхъуэ мэлъыхъуэ.

Бажэр ущу ежьэмэ, мэщак1уэ.

Банэм и щ1ыб ухъу.
(Тпэ1эщ1э ухъу, жыхуи1эщ.)

Бацэ япхъ, цы япхъэх.
(Заужъыж, жыхуи1эщ.)

Бэмп1эгъуэ лъхуэри зэгуэудыгъуэ къилъхуащ.
(Зы зэгуэпыгъуэм нэхъ зэгуэпыгъуэж къы-техъуэмэ, жа1э.)

Бгым джэдык1эк1э еуэ.

Бгым нат1эк1э еуэ.
(Мы псалъэжъит1 ми къарык1ыр зыщ: зыри пхуэщ1энукъым, жыхуи1эщ.)

Бгъэ быдз нэхърэ 1у быдз.

Бгъэтхъуэнумэ, тхъуэ лъэпкъ, бгъэжэнумэ, гъуэ лъэпкъ.
(Зи гугъу ищ1ыр шыщ.)

Бжэмышх нэщ1 жьэм хуахьыркъым.

Бжэн и дзэ 1ухурэ?
(Щымы1э бгъуэтын, жыхуи1эщ.)

Бжэн къуий бжьакъуэ лъыхъуэ ежьэри и тхьэк1умэ хилъхьащ.

Бжэн къуийр псым хэплъэмэ, «сыщ1алэщ», же1э.

Бжэнми жьак1э тетщ.

Бжэныжь зи л1эжыгъуэм прамыжыщхьэ здехьыж.
(П р а м ы ж – къэк1ыгъэ.)

Бжэным и к1апэр и к1уэц1ым илъщ.

Бжэныр ефэри дыгъужьым езэуэну к1уащ.

Бжьакъуит1 щхьэк1э хъун бэгъуам хок1ыж.
(Акъылыншэщ, былымым хуэдэщ, жыхуи1эщ.)

Бжьахъуэм и фор зэбграхырти, езыми зы фо 1эмыщ1э къыхихыжащ.

Бжьэ матэ зи куэдым и жьант1э дегъэувэ.

Бжьэ уи1эмэ, щунэфыр зищ1ысыр тп1энщ.
(Щ у н э ф - бжъэ зышх бзущ.)

Бжьэм фо здэщыГэр ещ1э.

Бжьэр уэмэ, мэл1эж.

Бжьэхуцым маф1э пхухэгъэпщк1уэнкъым.

Бжьэцым къуацэк1э хэуащ.
(1уэхур зэ1игъэхъащ, жыхуи1эщ.)

Бжьыныхур хущхъуэщ, бжьыныщхьэр щхъухыц.

Бжьыхьэ бадзэ дзэкъэрейщ.

Бжьыхьэ жэщ щэрэ минщ.
(Куэдрэ зызэрехъуэк1, жыхуи1эщ.)

Бжьыхьэ жэщым вырэ шырэ йок1уадэ.
(Зэрык1ыхъым щхъэк1э жа1э.)

Бзэгум ц1ыхур зэрегъэук1.

Бзэгур шэм нэхърэ нэхъ жэрщ.

Бзэгур гум и тэрмэшщ.

Бзэр зэзым нэхърэ нэхъ дыджщ, фом нэхърэ нэхъ 1эф1щ, джатэм нэхърэ нэхъ жанщ.

Бзу лъакъуэ къупщхьэ хахыркъым.

Бзум ямыфэгъум си мэш ешх.

Бзур зышхынум 1уоджагуэ.

Бийм и п1алъэр ущы1ущ1эщ.

Бланэм и лъагъуи и убыди зы хъуркъым.

Блэ зэуар аркъэным щощтэ.

Блэр зытраук1эр и шэрэзщ.

Блэр и щхъухь ихьыжыркъым.

Блэр уеуэху мэбэг.

Быдзышэ хъунщ жызоХэри con1x, жызы1ам нэхъей.

Былым къыпэк1у нэхърэ насып къыпэк1у.

Былымым зейр и ажалщ.

Былымым и нэр шхыным ирещ1.

Былымыр жьы зэрыхъур и фэщ.

Былымыр зейм емыщхьмэ, хьэрэмщ.

Брулым шибл я к1эн хэлъщ.

Вакъэжьылъэ шынэркъым.

Вы хьэху къозымытынум вы щэгъу ухегъэн.

Вы хъунур шк1э щ1ык1э уощ1э.

Вы п1алъэмыщ1эр бжьыкъутэщ.

Вы щхьэ1у зэптым вы хьэху къуитыжыркъым.

Вы гъуэжьыр къурашэщ, гур зезышэр гурыгъщ, ныбэр зымыгъагъыр хьэлущ.

Вым и бжьакъуэ и хьэлъэкъым.

Вым лъэмы1эсыр гуфэм йоуэ.

Вым худэмышыр и вейщ.

Выр гъуахъуэри хъуным хидзащ.
(Тхъэгъуэ хэхуам хужа1э.)

Гуэным имылъмэ, 1энэми телъкъым.

Гуэныхь гулъэ зезышэм гуэныхь фэнжей худрадзей.

Гуэрэфыр гухэлъэфщи, фэрэк1ыр гуимык1ыжщ.

Гуэрэфыр узыгъуибл поув.

Гуэшак1уэ 1ыхьэншэщ.

Губзыгъэм и гу1эгъуэр делэм и гуф1эгъуэщ.

Гугъуехь зымылъэгъуам гъуэгуанэ хуэшэчыркъым.

Гугъуехь зымышэчыр л1ым хабжэркъым.

Гуемы1у хъыбарыр щ1эх зэлъащ1ыс.

Гужь зи1эр вакъэжьк1э мауэ.

Гум дэбгъахуэр фэм къе1уатэ.

Гум емык1ур нэми ек1уркъым.

Гум илъыр жьэм же1э.

Гум илъыр нэгум къуегъащ1э.

Гум хэщ1мэ, пащ1эм хоз.

Гур жьы хъуркъым.

Гур зэрыгъум дыгъур ирок1уэ.

Гур зэрык1уэдык1ыр и шэрхъщ.

Гур здэк1уэм к1уэфыр л1ыф1щ.

Гур уфэрэк1мэ, щ1алэм и ягъэщ.

Гушы1эр тхьэм и щ1асэщ.

Гу1э и 1эпэ йодзэкъэж.

Гъатхэ бацэри бжьыхьэ цыжьри тегъуауэ пхуэщ ухъу.

Гъэрихым щауэр мэшэс.

Гъэшыр зыщыбэм ц1ыхур щыбейщ.

Гъуабжэ псори мыщэкъым, лыд псори дыщэкъым.

Гъуэгунапщ1э сабэм мэкъу щеуэркъым, ер зэуа жыгым пщ1ащэ къыпык1эркъым.

Гъурым ц1ынэри дос.

Гъусэ пэплъэрэ п1алъэтесымрэ шэчыгъуейщ.

Гъусэ мыхъурэ 1эщэ мыхъурэ.

Дауэ сщ1ымэ, дауэ хъун, дауэ хъумэ, дауэ сщ1ын?

Даущыф1ыр щылъу, даущ бзаджэр мэ1у.

Дахагъэм гур егъэгушхуэ.

Дахэ псори дахэкъым.

Дахэм еплъыр нэщхъыф1эщ, шыф1ым тесыр хуэбгъакъэщ.

Дахэм и напэ п1астэ ирагъэпщ1ыркъым.

Да1уэ шхиипэ тоувэ.
(Да1уэм насып къохъул1э, жыхуи1эщ.)

Дэгум жи1эн егъуэт, нэфым игъуэтыр екъуз.

Дэгум псори дэгу ф1ощ1.

Дэгум щхьэк1э гъуор лейуэ джэркъым.

Делэ бзаджэ нэхърэ делэ дыдэ.

Делэм куэд ищ1э къыф1ощ1ыж.

Делэр гугъэурэ жьы мэхъу.

Делэр жылэу ясэркъым.

«Ди жэмыр зыпгха дыгъужьым кхъуэлым хуэдэу сигу щык1ащ» жызы1ам нэхъей.

Ди зы мэл хэтщ, дэри зэ дывгъэфий.

«Ди фэр бэзэрым щызэхуэзэжынщ», — жи1ащ бажэм.

Дол и къуэрдэ йодыгъуэж.
(К ъ у э р д э — тыкуэн хъэпшып ц1ык1у-фэк1у.)

Дунейр зыгъэнэхур зы дыгъэщ.

Дыгъэ лъакъуэ къыпхуэубыдын?

Дыгъэр зытемыпсэр щы1эжкъым.

Дыгъу ц1ык1ук1э къемыжьэ дыгъушхуэ хъуркъым.
 
Дыгъужьит1 зы гъуэ изагъэркъым.

Дыгъужьит1 я щ1ыб зэхуагъазэркъым.

Дыгъужьым и дзэр шымэ, псафэ мак1уэ.

Дыгъужьым ишхыр и фэк1э епшыныж.

Дыгъужьым ишхари имышхари тохуэ.

Дыгъужьым лы игъуэтмэ, псы игъуэтыр-къым.

Дыгъужьым мэл щихьк1э, зыф1ихьым хуеплъэк1ыжыркъым.

Дыгъужьым мэл щихьк1э, и нэпкъыжьэ еплъыркъым.

Дыгъужьыр жьы хъумэ, хьэм и джэгуалъэщ.

Дыгъужьыр зэдзакъэр и 1ыхьэщ.

Дыгъужьыр зыщызеуалэм мэлым зыщагъэпсэхуркъым.

Дыгъужьыр къепхуэк1ыурэ мэл к1апэр пеуд.

Дыгъум пабжьэр и дэ1эпыкъуэгъущ.

Дыгъум щ1ыгъур и дыгъуэгъущ.

Дыгъуэри дыгъужьри къаущэк1у.

Дыгъурыгъуур мэжэщ1ал1эмэ, и шырыр ешхыж.

Дыщэр дыщэпс хуэныкъуэкъым.

Дыщэр къэзыгъуэт к1энп1ыгъулъэ иредзэ.

Дыщэр куэншыбым хэлък1и улъийркъым.

Дыщэр къыщыщ1ахми щылъап1эщ.

Дыщэр уэсу къесмэ, уасэ и1энтэкъым.

Джалэу и 1упэ зэгуэудами ярейщ.

Джэлэрей и нат1э быдэ мэхъу.

Джэгу пэтрэ нэ иращ1.

Джэгум хэту зэшам нэхъей.

Джэгум хэту «Си гъуэншэджыр къызэтыж» жызы1ам нэхъей.

Джэд жыпГэмэ, сыджэдык1эщ.

Джэд лъакъуэрэ хьэ лъакъуэрэ зубыда щы1экъым.

Джэд мык1эц1 пшэрщ.

Джэд пшэр къэбубыдынумэ, адакъэм бгъурысым епхъуэ.

Джэдгын зи жагъуэм и пашДэ щ1ы1у къыток1э.

Джэджьейм джэдыр егъэсэж.

Джэдрэ пэт щыф1агъэжк1э мэлъэп1астхъэ.

Джэду гъунэгъурыпщщ.
(Зи унэ гъунэгъуу нэгъуэщ1 щ1ып1э жэщ щы1эм ауаныщ1у хужа1э.)

Джэдум и щхьэр зэрык1ым ипкъри йок1.

Джэдур лым лъэмы1эсмэ, «мэ щоу» же1э.

Джэдур дзыгъуэк1э л1ыхъужыц.

Джэдьш1э къэзыдыгъум джэди къидыгъунщ.

Джэдык1э пэтрэ фэ т1уащ1э и1эщ.

Джэдыл1эм здахьа бабыщ. 

Джэдым фэнд к1эрыщ1ащ.
(Зэрышхэрейм щхъэк1э жа1э.) 

Джэдыр псы щефэк1э уафэм доплъей.

Джэдыр щыкъакъэм щок1эц1. 

Джыдащхьэр к1уэдмэ, джыдэк1ыр ягъэсыж

Джыдэр к1уэдмэ, и к1ыр дыщэщ.

Дзасэм тхъу пызагъэрэ?

Дзасэри мылынц1у, лыри мын1ынэу.

Дзэк1э мащ1эу, хьэщ1эк1э куэду.

Дзэр къэсащ, псыр къиуащ.

Дзэр узыншэху, шхалъэм зегъэпсэху.

Дзэр уришхэн къудейкъым, дахагъэми щыщщ.

Дзыгъуэ нэпсейр шэм етхьэлэ.

Дзыгъуэ ц1ык1урэ пэт 1этэшхуэм ип1ыт1ыркъым.

Дзыгъуэм и цыр к1ыр хъумэ, щ1ы1эл1эх мэхъу.
(Щык1ыгъуаф1эм ира1уэк1.)

Дзыгъуэнэфрэ пэт къуалэбзум хабжэ.

Дзыгъуэр гъуэм имыхуэмэ, фэлъыркъэб зык1эрещ1э.

Дзыхь зыхуумыщ1 щыкъур мэкъутэ.

Е вындыжь хэшэнщ, е жьуджалэ хэшэнщ.

Е зыхэлъыр хьэгъуэл1ыгъуэм мэятэ.

Е махъшэ л1энщ, е махъшахъуэ л1энщ.

Егъэджак1уэр бзагуэщ, еджак1уэр дэгущ.
Езэшыр пшынэ йоуэ.

Ем «сынок1уэ» жи1эркъым.

Емык1ур 1упщ1э-1упщ1эу зэхэлъщи, къэлътмакък1э зыпщ1эхэлъым зищ1эжыркъым.

Емынэм къелар Хъумбылейм ехьыж.

Есык1э умыщ1эмэ, 1упщ1а псыми уитхьэлэжынщ.

Ехмэ, 1эпэ залэщ, къелыжмэ, ныбжьрей хъуэнщ.

Ешхэ-ефэ нэхърэ — джэгу.

Жамы1а щы1экъым, ямыщ1а мыхъумэ.

Жанхъуэтхьэблэ къафэу къытрегъэзэж.

Жармык1эм къыщыхъуар жармык1эм щызэхэк1ыжынщ.

Жа1ар жып1эжмэ, бзэгузехьэ уохъу.
(Жа1ар щыжа1эжым деж ауаныщ1у дыщ1агъу.)

Жэм гъэшыджэ буурейщ.

Жэм гъэшыф1эр нанэф1 хуэдэщ.

Жыхапхъэщ1эр ф1ыуэ мэпхъанк1э.

Жейм и щ1ыхуэ къыптринэркъым. 

Жыг ку гъуанэри унэ мэхъу.

Жыгым и пщ1ащэр и фащэщ.

Жыгым пщ1ащэ пымытмэ, зы къурэщ.

Жыгыр здещ1эмк1э мауэ.

Жыжьэм т1эу сыщыл1и, благъэм зэ сыщымыл1эк1э.

Жылэм дэлъмэ, уи1эщ.

Жыс1эр щ1э, сщ1эм уемыплъ.

Жы1эрыпц1 щы1экъым.

Жьабэ нэхърэ шабэ нэхъ шэрыуэщ, шабэ нэхърэ жьабэ нэхъ губзыгъэщ.

Жьэм къыжьэдэк1а псалъэри фочым къик1а шэри зэхуэдэщ.

Жьэр зэщ1эк1мэ, ныбэр мэк1ий.

Жьы зыхэмыт щ1ы1эр щ1ы1экъым, псчэ зыхэмыт узыр узкъым.

Жьы уимы1эмэ, щ1эи уи1экъым.
(Узэрылэжъэн щыгъыныжъ уимы1эмэ, щыгъыныщ1эри куэдрэ уи1энукъым, жыхуи1эщ.)

Жьым и мыгъуэщ, щ1эм и гъуэджэщ.
(Т1уми я чэзукъым, жыхуи1эщ.)

Жьындури гугъат тхьэрыкъуэ къришыну.

Захуэ жы1эныр нэ ищ1ыным хуэдэщ.

Зэ еуэр мэуэщхъури, т1эу еуэр мэуапэ.

Зэ лъэпэрапэр щэ мэлъэпэрапэ.

Зэгъунэгъуит1 я жэм шык1э зэхуэдэкъым.

Зэгъунэгъуит1 я мэл бжык1э зыкъым.

Зэдауит1 яз нэхъ захуэщ.

Зэдэмыпсэуит1 зэнт1э1уркъым.

Зэз зи бзэгу телъым 1эф1 щымыГэж къыф1ощ1.

Зэк1уэл1ит1ыр зэщ1асэщ.

Зэк1уэц1ыпхауэ щылъ дыгъужьыр тхьэк1умэк1ыхьым йощэ.
(1эрыубыд ящ1а пэтрэ, ит1аник1 зэраныгъэ ищ1эну пылъщ, жыхуи1эщ.)

Зэрызыхь 1ыхьэф1эщ.

Зэхэзылъхьэм зэхихыжынщ.

Зей к1уэдым и анэ и дыгъущ.

Зи бзэ тек1уэда куэд кхъэм щ1элъщ.

Зи бзэ хуимытыжыр и бзэ ток1уэдэж.

Зи былым к1уэдам гуэныхьищэ къехь.

Зи гур мыф1ым и щхьэр ф1ейщ.

Зи дзэ зэмыузарэ зи быдз зэмыузарэ уз ягъэунэхуакъым.

Зи л1эгъуэ къэсам и мыхьэл къещтэ.

Зи мылъку зыф1эк1уэдам хуэгу1и, зи акъыл зыф1эк1уэдар гъеиж.

Зи нэ имысым хьэсэ еутэ.

Зи ц1э ира1уэ бжэщхьэ1у тесщ.

Зи щхьэ зыф1эмыдэхэж щы1экъым.

Зи щхьэ зыхуэмылъэфым пхъэлъэф зык1эрещ1э.

Зи щхьэ зыхуэмы1ыгъыжым щхьэ 1ыгъын къещтэ.

Зи щхьэ щымы1эм и шыд хьэм ешх.

Зи 1уэху мыхъунум фэндибгъу к1эрыщ1ащ.

Зибзеихьу и 1эшхылъэ ит1ысхьэжа?
(Зыми хуэмыныкъуэжын, зыри къыщымыщ1ыжын и гугъэжщ, жыхуи1эщ.)

Зызогъэхьри яшэм сыхон, зызогъашэри яхьым сыхон.

Зил мыузым игу узыркъым.

Зумыхьэри уимы1эри зыщ.

Зы дэк1э уигу сыкъэк1и, а зыри кунэфу къыщ1ык1.

Зы махуэм бэзэрщ, зы махуэм къэзэрщ.

Зы нэрэ зы щхьэрэ зэхурокъу.

Зыгъуэтыр мэгуф1эри, зыф1эк1уэдыр магъ.

Зыжра1э нэхърэ зра1уэк1.

Зызыгъэгусэ и 1ыхьэ ныбэ уз хуэхъущхъуэщ.

Зылъэгъуа щы1эмэ, зэхэзыха умылъыхъуэ.

Зым ейк1э зыр щ1эскъым.

Зым и зэран щэм йок1.

Зым и мыуасэ хьэм ишхыркъым.

Зымылъэгъуа хашэ хъуркъым.

Зыптхьэщ1мэ, нэху мэщ, уущмэ, гъуэгум хощ1.

Зыри зымыш1эр зэи щыуэркъым.

Зыщэм и напэр къэзыщэхум и уасэщ.

Зыщ1эм жи1эркъым, жызы1эм иш1эркъым.

Зыщ1эн зымыщ1эжым и унэ иречри иресэж.

Зыш1эр мажэ, зымыщ1эр мэжей.

Зы1эщ1эк1ым хош1ри, зы1эщ1ыхьэм хохъуэ.

И гум зимыгъэнщ1урэ и ныбэм зигъэнщ1ащ.

И гур пхъэ щхьэк1э, и лъэр пхъэм дэнащ.

И насып бжыхьым ирапхакъым.

И насыпыр къит1эт1ащ, и п1астэпсыр хэт1эт1ащ. 

И шы пхэщ1 ирибзэри е1эзэу увыжащ.
(1уэхур зэ1игъэхъэри епэщэщу увыжащ, жыхуи1эщ.)

Ив л1эри и дзей хэк1ыжащ.
(Я 1уэху зэхэлъыжкъым, жыхуи1эщ.)

Из зышхынум ныкъуэ шхык1э иш1эркъым.

Ик1и уимык1, ик1и уимыс, уисуи сыкъыумыгъэсыж.

И мы1эф1 щыгугъым и выф1ит1 ф1ок1уэд.

Ин дыдэхэми надэ къахок1.

Инагък1э фыхуеймэ, махъшэм феупщ1, жьак1эк1э фыхуеймэ, ажэм феупщ1.

Ирауд бэнэнк1э зигъэнщ1ыркъым.

Иримыкъур иризыгъэкъур лэпсщ. 

Иужьрей 1уэху бзу к1агуэщ.
(1уэхур умыгъэт1ылъ, жыхуи1эщ.)

Куэсэ хьэсэгъу умыщ1.
(Щыху бзаджэ пэшэгъу умыщ1, жыхуи1эщ.)

Куэдыр пхурикъуркъым, маш1эр къыбдохуэж.

Куэпкъ зылъысми ешх, шхужь зылъысми ешх.

Кхъузанэ гупл1э-гупхэ ищ1рэ?

Кхъахэ хъуари кхъэм ехъуапсэркъым.

Кхъэм зыщызыгъэпщк1ури кхъэм йок1уэл1эж.

Кхъэм яхь къахьыжыркъым.

Кхъуэ нэфми мышхумпГэ къы1уохуэ.

Кхъуэм и к1эр пиупщ1ри мэзым щ1иут1ыпщхьэжащ.

Кхъуэм илъ хьэм къытенэркъым.

Кхъуэм хуэмышх хьэм иригъэшхыркъым.

Кхъуэныжь гъуэгыурэ кхъуэбанэр ешх.

Кхъуэныжь уэлбанэхэлъхуэщ.
(Щимычэзум 1уэху къыдэзылъэфым хужа1э.)

К1эпхъми содэ, дзыгъуэ къиубыдмэ.

К1эп1ейк1эм щ1эгупсысурэ сомыр хилъхьащ.

К1ытэр к1ымэ, фадэр хахуэщ.

К1ыщ пщы унэщ.

К1ыщыбжэрэ псыунэбжэрэ зэХухащ.

К1уэдар дэгъуэ мэхъу.

К1уэм и баш, л1эм и шэнт.

К1уэм и гъуэгу хощ1.

К1уэм ущ1охьэри, шхэм ущ1ыхьэркъым.

Къанжэр и бзэ ток1уадэ.

Къапхъэнми имыгъапцТэ иубыдыркъым.

Къэзыгъэк1ри зышхыжри уэрщ.

Къэзыдыгъур зы гуэныхыци, зыф1адыгъур гуэныхьищэщ.

Къэзыхь зышхыж бей мэхъу.
(Лажъэу шхэжыр ф1ыуэ мэпсэу, жыхуи1эщ.)

Къалэн зыщыпщ1ыжыр къалэн пхуохъу.

Къэмыфэфым пшынауэм трелъхьэ.

Къэхъуа щы1экъым — щ1алэр яук1ри вит1ыр яхуащ.

Къемэтмахуэр зэхудип1алъэщ.

Къоджэм уигъэжейркъым.

Къозы1уэк1ым къыбже1э, къыбжезы1эпэр къыптогъэ.

Къырми данэ илъщ.
(Уимы1эмэ, сыт и мыхъэнэ, жыхуи1эщ.)

Къызэзытым къысхущ1игъу.

Кърум мывэ жьэдэлъу нэху егъэщ.

Къысхуэзыш1э и псэ.

Къыхэдзэ закъуэ — ежьуун бгъуэтынщ.

Къуажэ зи1э нэф нэхърэ гухъу зыщ1ыф 1эшэ.

Къуэщ1ий маф1эми шэ къегъэпщт.

Къуийм и пы1э щыгъупщэркъым.

Къуийм и пы1эр щхьэрыхумэ, ук1ытэжыркъым.

Къуийм и щхьэ хуэзыхущ1ыр и бийщ.

Къуийм и щ1ы1у гуэрэф.

Къундэпсо гуащ1эм кхъуэщыныр зэрегъэк1уэк1.

Къупщхьэр псэумэ, лы къыток1эж.

Къущхьэмышхейм къуэрагъ и хущхъуэщ.

Лажьейм узей къыхок1.
(Гукъеуэшхуэм уз къыхок1, жыхуи1эщ.)

Лажьейм уф1ок1уэри, узейм уф1эк1уэркъым.

Лэжьыгъэу щы1эр зы нэдым ихуэркъым, щ1эныгъэу щы1эр зы ц1ыхум ищ1эркъым.

Лы къы1эрымыхьам дыгъужьым и дзэр егъэш.
(Къып1эрымыхъэм уегъэгузавэ, жыхуи1эщ.)

Лыр ишхри къупщхьэ тенащ.

Лыр къуалэми ягъуэт, ямыгъуэтыжыр лэпсщ.

Лыр хьэхущ.

Лъабэ 1убэ ухуехь.

Лъакъуэ къуаншэ вакъэ хуэщщ.
(Вакъэ куэдрэ къещэху, жыхуи1эщ.)

Лъэгуажьэпэм нэмыс хьэдрыхэ но1ус.
(Псалъэ 1ей умыут1ыпщ, жыхуи1эщ.)
Лъэсыр шум щ1онак1э.

Л1ар ф1ы мэхъуж.

Л1эм зыгъэл1эн ешх.

Л1ым 1эщэ зыхуи1ыгъыр зы дакъикъэщ.

Л1ыф1 шыф1 хуэщщ.

Л1ыущхьэк1уэр щхьэк1уэ мыдэщ.

МазэшДэр куэдрэ блэркъым.

Мастэ гуапэщи, мастэ гуауэщ.

Маф1э здэщымы1эр тахътэкъым.
(Маф1э здэщымы1эм тхъэгъуэ щы1экъым, жыхуи1эщ.)

Маф1эм псыр къегъавэ, псывэм маф1эр егъэунк1ыф1.

Маф1эм 1эщ1эк1ар псывэм хоуп1э.

Маф1эншэри гъавэншэри зэлъытащ.

Маф1эрэ гуф1эгъуэрэ.

Махуэ къэси щыблэ уэркъым.

Махуэ псом зэрагъэпц1ар чыц1 ажэм икъутэжащ.

Махуэкум уеджауэ мэремым къызэхуэсарэт.

Махуэм махуэ къелъху.
(Шалъэм п1алъэ къыхок1, жыхуи1эщ.)

Махуэф1рэ л1эк1аф1эрэ.

МапДэм хэуэри пк1ауэ закъуэр иук1ащ.

Мащ1эр гуапэщ, гуапэр псапэщ.

Мэжэщ1ал1эм дыгъужьыр мэзым къыщ1еху.

Мэжэщ1ал1эм къэрабгъэри л1ыхъужь ещ1.

Мэжэщ1ал1эм щ1алэри егъэжь.

Мэз пхъэншэ хъурэ?

Мэз джэдур и пащ1эк1э яц1ыху.

Мэзым нэсыжа бланэр яук1.

Мэкъу хьэвэ мастэ хэк1уадэщ.

Мэл зи1эр лэгъупэжыц, пхъужь зи1эр унафэщ1щ.

Мэл зыхэвэ нэхърэ бжэн зыхэпк1э.

Мэлищэм зы мэл щыщ1эмэ, мэл щэ ныкъуэщ.

Мэлым и к1апэ и хьэлъэкъым.

Мэлым и к1апэр щыдэуейм, бжэныр дыхьэшхащ.

Мэлыхъуэ лъакъуэубыд и щхьэусыгъуэщ.

Мэлыхъуэм я зэхэк1ыжыгъуэм кхъуей шыпс зэраутхыж.

Мэлыхъуэр шхын щхьэк1э л1ати, «и гуф1ак1эм щэ дэз хъунщ», жа1эрт.

Мэхъуэщей л1ыф1ым уеуэмэ, зеущэху.
(М э х ъ у э щ - адыгэм ящыщ зы лъэпкъыу щытащ.)

Мывэ дзык1э зымыщ1эм и щхьэм къохуэж.

Мывэ къурпхым мэш трасэркъым.

Мывэ сыныр мэк1уэдыж, мык1уэдыжыр уэрэдщ.

Мывэр куэдрэ щылъмэ, жыглыц къыток1э.

Мыгъуэр зи мыгъуэр пхъэрыпэщ.

Мык1уэдыну зы мылъку, мыл1эжыну зы ц1э.

«Мыпхуэдэу щхьэ ц1ык1уу укъэна, дзыгъуэ?» щыжа1эм, «джэдум сыщышынэурэ», жи1ащ.

Мысэр малъэри хейм и лъакъуэр щ1еуд.

Мыублэ мыхъумэ, мыух щы1экъым.

Мыхъумэ, 1эхъуэр и пгэсщ.

Мыщэ шхэри зы дэ къелщ.

Мыщэм зыщихъумэурэ мащэм ихуащ.

Мыщэм ишхар дыгъужьым трелъхьэ.

Мыщэм лык1э зигъэнш1мэ, къофэ.

Мыщэм лыр имыгъэфу ишхыркъым.

Мыщэм пщ1ащэ техуэмэ, мэгубжь, жыг техуэмэ, зеущэху.

Мыщэм ф1ыуэ илъагъур ешхыж.

Мыщэр игу къыщихьэм щот1ыс.

Набдзэхэк1эр гухэмык1ыжщ.

Назэми, нэф нэхърэ нэхъыф1щ.

Назэр нэфкъым, щхьэзэр делэкъым.

«Нал 1унэр бэн 1унэ зыщ1ыж тхьэр щы1эщ», жи1ащ гъук1эм и фызым.

Напэм техуэр жьэм же1эф.

Нахуэ жы1энрэ нэ шн1ынрэ.

Нахуэу зыщамыщэм щэхуу сату щащ1.

Нэ илъагъу нэ ещ1эж.

Нэгум щ1элъыр лъэгум к1уащ.

Нэгум щ1эхур гум йохуж.

Нэгъабэ къызэуащ, жери мы гъэм магъ.

Нэд мыкъу уврэ, нэд къуа зигъэщхърэ?

Нэм нэ хъумэ и1эщ.

Нэм щ1элъыр 1угъуэм къыщ1еху, гум илъыр фадэм къреху.

Нэпкъым тетыр кхъуафэ хук1эк1э 1эзэщ.

Нэпсыншэ хьэдагъэ.

Нэр зейм жейм трех.

Нэр псэм и хъумак1уэщ. 

Нэфрэ дэгурэ зопсалъэ.

Нэфым и нэм хихар и гум хелъхьэж.

Нэфыр тхьэк1умаф1эщ.

Нит1рэ пэт зэфыгъуэгъущ.

Нит1ыр зэхуэдэмэ, жыжьаплъэщ.

НитХыр зэхуэмыдэмэ, мэплъэщхъу.

Ныбэ 1ейм шхын и пщДыхыц.

Ныбэм и лажьэр 1уэтэжыгъуаф1эщ.

Ныбэм измэ, щ1акхъуэр ц1ынэщ.

Ныбэм илъмэ, псынщ1эщи, имылъмэ, уэндэгъущ.

Ныбэм имылъмэ, лъэр щ1эк1ыркъым.

Ныбэм имылъмэ, нэр плъэркъым.

Ныбэм имылъмэ, щ1ыр плъапХэщ.

Ныбэм уахихьэнщ, фэм уакъыхихыжынщ.

Ныбэр къэблагъэмэ, благьэр пщегъэгъупщэ.

Ныбэр нэщ1мэ, лъакъуэр щ1эк1ыркъым.

Ныкъуэлъахъэр шыгъэк1уэрщ.

Набжьэм хэсыр лыгъэм къыхехури, гум илъыр фадэм къреху.

Пащ1эр инми, жьак1эр щ1иуфэркъым.

Пэжым нэр ирещ1.

Пэжыр хущхъуэщ, пц1ыр щхъухьщ.

Пкъым пыт лыр мэуз.

Пкъымрэ псэмрэ зэ1эпык1ыгъуейщ.

Пк1ауэм и к1уэдыжыгъуэ къэсмэ, бжьэхъун тхьэмпэр т1ысып1э ещ1.

Псалъэ гуапэ гугъэдахэщ.

Псалъэ дахэм гуауэр пщегъэгъупщэ.

Псалъэ лейм баш лей да1этыркъым.

Псалъэм и пэр умыщ1эу и к1эр пш1эркъым.

Псалъэм пщ1э щ1атыркъым.

Псалъэр бгъэувмэ, выщи, бгъэт1ысмэ, ц1эщ.

Псатхьэр къехмэ, бгыкъум зегъэш.

Псэ зыпыт къупщхьэм лы къыток1эж.

Псэ зыпыту мышынэ щы1экъым. 

Псэжьыр лъхуэри емынэжь къилъхуащ.

Псэм лъыхъур щхьэм и къурмэныпхъэщ.

Псэм хуабэ и ш1асэщ. Псэр 1эф1щ.

Псэрэ пэт хьэхущ.

Псэур мэгугъэри, л1ар гугъэжыркъым. 

Псэущхьэ губзыгъэ зыгъэл1эн ишхыркъым.

Псы мыгъавэ бдзэжьей хэсщ.

Псы 1уфэм 1усым псы ик1ып1эр ещ1э.

Псы 1уфэм 1ут дзэлыр мэхъуапсэ.

Псы 1уфэм 1усыр есык1эк1э 1эзэщ.

Псы джэд псым итхьэлэркъым, мэлыхъуэхьэ дыгъужьым ихьыркъым.

Псыжь ук1уэмэ, пщыз пхощ1.
(П с ы ж ъ — Кубань.)

Псым итхьэлэм блэм зрешэк1.

Псым ихьыр хьэцыбанейм йопхъуэ.

Псым къыхадза бдзэжьейуэ ныджэм къытенащ.

Псым хэлъ пхъэр мэфри, фэм дэлъ гур мэбамп1э. 

Псыр зэрыжэр и псылъэщ.

Псыр псэм и зы ныкъуэщ.

Псыр псэхэлъхьэжщ.

Псыхъуэр жылэ т1ысып1эщ.

Псышэд здэщы1эм хьэндыркъуакъуи щы1эщ.

Пхуэмыфащэ хьэлъэщ.

Пхъэ дакъэжь псым итхьэлэрэ, мэлыхъуэхьэ к1уэдрэ?

Пхъэ мысрэ псы мывэрэ щы1экъым.

Пхъэщкум к1апсэшхуэр и телъхьэщ.

Пхъэ1эщэм вы щ1эмыщ1амэ, пхъэ дакъэщ.

Пц1ы бупсынумэ, л1ам телъхьэ.

Пц1ы зыупсыр щхьэщытхъущ, зызыгъатхъэр джэгуак1уэщ.

Пц1ым лъакъуэ ш1эткъым.

Пц1ыр зэбгъэпц1ми, зэрыпц1ыр къыщ1ощыж.

Пц1ыупс пц1ыупс едэ1уэжыркъым.

Пц1ыупсым и пэж закъуэр хьэм 1эпеч.

Пн1ыупсыр я ф1эщ мыхъуурэ, и унэр маф1эм исащ.

Пшэ темылъу уэшх щы1экъым.

Пшэм уефийк1э къэувы1эн, вым уегийк1э гуры1уэн?

Пщащэ гъум теубгъуэн и щ1асэщ.

Пщэдджыжь хьэщ1э гъэхьэщ1эгъуаф1эщ.

Пы1э зыщхьэрыгъ псори л1ыкъым.

Пы1э 1ей нэ1у 1ейщ.

«Шащ1эр сэ къызихьэл1ащэрэт»,— жи1ащ фадэм.

Сабийм маф1э щилъагъук1э, «си анэ и дыным хэлъащэрэт», же1э.

Сабийр мыгъмэ, быдз иратыркъым.

«Сэ бзаджэ къэзылъхуи, уэ делэ къыулъху», — жи1ащ.

Сэ гъущэрылърэ фыз игъэплъа л1ырэ.

Сэ сашэн хъумэ, дарийр мэк1уэд.

Си анэ къыщамышэм си анэшым срашыбзыхъуэт, жызы1ам нэхъей.
(Къэхъунк1э мыхъуну 1уэху къехъул1ауэ зы1уатэм ауаныщ1у жра1э.)

Сигу илъыр къащ1и, си 1эмыщ1э илъыр уэстынщ.

Си гъунэгъур мэдыхьэшхри сэри соды-хьэшх.
(1уэхум хэзымыщ1ык1ыу нэгъуэщ1ым зыдезыгъэк1ум хужа1э.)

Си ц1эр игъэ1уурэ, и 1ур егъашхэ.

Сохъустэмыхъу 1энэухъуэнщ1щ.

Сыдоубжьытхейри си набдзэм хохуэ, соубжьытхэхри си жьак1эм хохуэ.

«Сылъатэмэ, сыфочыпэк1уэдщ, сыхэсмэ, сыхьэпщ1о 1усщ», жи1ащ ныбгъуэм.

Сымаджэрэ сабийрэ жыхуа1эращ.

Сыщымыгъуэми, дарий гъуэжь джанэ.

Таурыхъ щ1эупщ1эм таурыхъ ещ1э.

Тэм тэ и ц1эщи, щэм щэ и ц1эщ.

Те1ук1 тек1ыжыркъым.

Тутынафэ псори «зэшщ».

Тхьэгъэлэдж гуэнырыхьэ-гуэнырык1щ.
(Тхъэгъэлэдж - мыбдежым къик1ыр гъавэщ.)

Тхьэк1умэм зэхих нэхърэ нэм илъагъу.

Тхьэусыхалэ ажал то1ук1.

Тыншыгъуэр шэчыгъуейщ.

Т1эк1у щхьэк1э т1эк1урамэщ.

Уанэ телъхьэ ф1ыщ1э пылъкъым.

Уанэм л1ы имысмэ, пхъэ тыкъырщ.

Уафэ гъуэгъуэрейр уэшхыншэщи, фыз дыхьэшхрейр л1ыгъапц1эщ.

Уахыхьэныр 1уэхукъым, уакъызэрыхэк1ыжын пщ1эмэ.

Уэ бгъал1эри л1эркъым, уэ бгъатхъэри тхъэркъым.

Уэ блэ къоуамэ, сэ бэдж къызэуащ.
(Уэ къыпщыщ1ам нэхърэ нэхъык1эж къысщыщ1ащ, жыхуи1эщ.)

Уэ нэхъ л1ыф1 щымы1эмэ, си пы1э пхуэгъэт1ысащ.

Уэдыр 1ушэщи, пшэрыр дахэщ.

Уэлбанэшрэ хъыджэбз гушы1эрэ.

Уэнум баш егъуэт.

Уэр щхьэк1э щтап1э сихьэжынкъым.

Уэрэдусрэ сурэтыщ1рэ зэхуэдэщ.

Уэрэдым и щ1опщыр ежьущ.

Уэрэдым псалъэ хадзыркъым.

Уэс щесам лъэужь щы1эщ.

Уэсэпс тхьэгъур гугъэхуабэщ.

Уэсхэк1 нэфщ.

Уэсым хэсыр къанэри хьэжыгъэм хэсыр л1ащ.

«Ууейм къихи, сысейм къилъхьэ» жызы1ам нэхъей.

Уэф1рэ л1ыф1рэ хэт дэзэшын?

Уэщыщхьэм уэщык1ыр к1элъидзыжащ.

Удэлъейми, уо1уэ, укъелъыхми, уо1уэ. 

Удын зэхэдзэ нэхърэ 1ыхьэ зэхэдзэ.

Удыр и щхъухь ехьыж.

Уджым сыхэплъафэ щхьэк1э, сыкъеп лъэфэк1ын?

Удз ц1ынэр выфэм пхык1ыркъым.
 (Къэуат хъуркъым, жыхуи1эщ.)

Удзыр къыщыкХым щахъу.

Удзыщ1эм нэсмэ, шыжь бэгур къохъуж.

Уз бзаджащ1эщ.

Узэлъэ1у нэхърэ къолъэ1у.

Узэлъэ1ур щ1агъуэ мэхъу.

Узэмыджа гуемы1ущи, узэу1у гъунэгъущ.

Узэрымыгу1ам папщХэ сыгуф1ащ, узэрымыгуф1ам щхьэк1и сыгу1ащ.

Узэсэ сэгъейщ.

Узэфыгъуэ къыпток1уэ.

Узэшмэ, маф1э, ун1ынэмэ, гъусэ.

Узейм лажьей къыхок1.
(У з е и м — уз 1ейм.)

Узижагъуэм и нэм бжэгъуу ущ1оуэ.

Узижагъуэм уегъэдыхьэшх, узищ1асэм уегъагъ.

Узижагъуэм уеуб, узищ1асэр къыпщотхъу.

Узижагъуэм уф1эгъумщ.

УзимылХым л1ы ущыхъуркъым.

Узищ1асэм и псэ ухуехь.

Узыгъал1э псори емынэщ.

Узыгъэгугъэрэ уи дауэгъурэ.

Узыгъэжьым жьыгъэ 1ыхьэ къуитыжыркъым.

Узылъыхъуэр лъап1э мэхъу.

Узыр уэщынэкХэ къок1уэ, мастэнэк1э мэк1уэж.

Узыншагъэрэ сымаджагъэрэ зэпыщ1ащ.

Узытхьэлэ псори Урыхущ.

Узыфэр мыхъужмэ, ажал и хущхъуэщ.

Узыф1 щы1экъым.

Узыхуэмыдэм уи уэрэд еус.

Узыхьыну псым мывэ къыхэщу уолъагъу.

Узыщымыхъум щхъуэ къуэлъщ.

Узыщ1энак1э къыппок1уэк1ыж.

Уи адэ и ней, уи анэ и нэф1.

Уи вакъэр зэвмэ, дуней псор зэв къыпщещ1.

Уи гъуэгур бзэпсрэ уи псыр чэнжмэ, уехъул1ащ.

Уи гъуэмэ, гъусэ бгъуэтынщ.

Уи лэгъу зыхэмыт дзэм уахозэшыхь.

Уи лъахъэр зыдыгъум уишри идыгъунщ.

Уи насып зыхэмылъым дагъуэ къыхуогъуэт.

Уи нэми укъыщигъапп1э къохъу.

Уи бын фГыуэ зылъагъум уи щхьи ф1ыуэ елъагъу.

Уи пшынэуэк1эм сыкъыдофэ.

Уи хьэ ф1эпщ и ц1эщ.

Уи шэр мыгъуэк1э ушх, си п1астэр къыхэзгъэшхык1ыж.

Уи шхын зыхэлъыр уи1у илъ хуэдэщ.

Уи щхьэ зи жагъуэм уи ц1э ф1э1ейщ.

Уи щхьэ зыф1эмы1ейм уи лъакъуи ф1э1ейкъым.

Уи щхьэм нэхърэ уи гугъэр си1ащэрэт.

Уигу къызэбгъэмэ, уи жэмыбгъэр къэзышх.
(Слъэк1ыр пхуэсщ1ащ, уигу къыщ1ызэбгъэн щы1экъым, жыхуи1эщ.)

Уи1э псори си1э нэхърэ узыщыгугъыр си1ащэрэт!

Улъэ1уэнри у1уеинри зэхуэдэщ.

Умэжал1эмэ, сытри 1эф1щ.

Умыгъэхъей, нэхъей хъунщ.

Умылъэ1уауэ узэтэнур пш1энукъым.

Умыл1эмэ — зыл1, ул1эмэ — зы мащэ.

Унэм исыр хасэурэ, губгъуэм исыр къосыж.

Унэрыхьэм уи 1ыхьэ nlex.

Унэхъугъуэм дзыгъуэри мэятэ.

Унэхъунум гуоуж макъ и тхьэк1умэ и1уэркъым.

Умыл1эмэ, джэду хьэжы плъагъунщ.

Упщ1э и анэ ф1эраф1эщ.

Уримыпсэлъэфмэ, уи жьэм п1астэ иришх.

Ухагъэзыхьмэ, укъагъэфэнщ.

Ушынэмэ, си к1э къуагъ къыкъуэтГысхьэ.

Ушынэмэ, си пы1эр щхьэрыт1агъэ.

Ущымыт1ыс ущыгушы1эркъым.

Фадафэ чэфыжьыпкъэщ.

Фадэ зэхэдзэрэ удын зэхэдзэрэ.

Фалъэм имыт ик1утрэ? 

Фэ мыгъу-мыуц1ынрэ фэ ц1ынэ зэ1ымык1ри щы1экъым.

Фэ пщ1ынумэ, лы зытелъхьэ. 

Фэдэн к1апэ шу егъэпгэсыж.

Фэлъыркъэб псым щ1илъафэрэ?

Фэрэк1ым «Уи фэр схьын, хьэмэрэ уи нэр схьын?» жи.

Фо нэхърэ жей нэхъ 1эф1щ.

Фом тхъу хэплъхьэкГэ зэ1игъэхьэркъым.

Фор зэк1эщ1эж нэхърэ банэр зэфХренэ.

Фоч нэщ1 л1ит1гъэн1ынэщ.

Фочым зигъазэмэ, блыпкъауэщ.

Фочыр уамэ, хьэтыр щыТэжкъым.

Фыгъуэ-ижэр зыщыкуэдым дауэгъу куэд щызэблок1.

Фыз гъуэгу мыгъуэ ежьэркъым.

Ф1ым ф1ыщ1э пылъщ.

Ф1ыр зымыщ1эм ф1ыщ1эр зыуи къыщы-хъуркъым.

Ф1ыуэ плъагъу щ1ып1эм ук1уэныр жыжьэкъым.

Ф1ыц1э ц1эры1уэщ.

Ф1ыщ1э жыг пхухасэнут?

Хак1уэ мыхъу алащэщ.

Хак1уэ мыхъу дзэкъалэщ.

Хак1уэ мыхъу хъуэк1уэным дехьэх.

Хамэ ахъшэ зепхьэмэ, уи жыпыр гъуанэщ.

Хамэш тесым и пхэ щ1иудыркъым.

Хамэ дагъуэр лъагъугъуаф1эщ.

Хэзгъэхъуэнщ щыжыс1эм, хэзгъэщ1ащ, зыстхьэщ1ынщ щыжыс1эм, зысцГэлащ.

«Хэт и щхьэр нэхъ дахэ?» щыжа1эм, шылъэгум и щхьэр къригъэжащ.

Хэтхэ я унэ къанжэ тес?
(Щ1агъыбзэщ: хэтхэ япхъу упылъ е хэтхэ я къуэ къыппылъ, жыхуи1эщ.)

Хым хэк1уадэр кхъэхалъэншэщ.

Хуарэ дзэ ку гъуанэ сыбгъэшэсамэ, сегъэпсыхыж.
(Къысхуэпщ1амэ, къысхуумыщ1эж, абы щхъэк1э сыноубзэнукъым, жыхуи1эщ.)

Хугук1э лъэнк1ап1эщ.

Хуейм зыхуей игъуэтмэ, бажэ хуэдэ мэущ.

Хущхъуэ зэхэдзэр сымаджэм и щхъухыц.

Хущхьэ къуэпс зэтащ.

Хущ1эмыхьэ п1ащ1эрыпсалъэщ.

Хъыбарыф1ри хъыбарщ, хъыбар 1ейри хъыбарщ.

Хъыджэбз щ1алэ делэгъуаф1эщ.

Хъуапсэ и псэ к1уэдыркъым.
(Умыфыгъуэмэ, ухъуэпсэну емык1укъым, жыхуи1эщ.)

Хъуэжэ и бэщмакъыу зыкърегъанэ.

Хъумэ — зыф1, мыхъумэ — ф1ит1.

Хъунщ1энрэ къуентхъынрэ зыщ.

Хьэ бзаджэ т1ысып1эншэщ.

Хьэ мыук1ытэ къупщхьэ йогъу.

Хьэгъуэл1ыгъуэ махуищ гухэхъуэщ.

Хьэдэр зейр кхъаблэпэщ.

Хьэжьыр зэбупхтми зумыуштми йобэн.

Хьэлывэр япк1ыху щысри, ягъэжьэху пэплъэжакъым.

Хьэл1амэ ващэрэ?

Хьэл1амэм ибгъук1э йодзакъэ.

Хьэм благъэр мэк1э къещ1э.

Хьэр, дыгъужь имылъагъуху, щ1акъуэщ.

Хьэм ебгъэшх тек1уадэркъым.

Хьэм ептыр и 1ыхьэщ.

Хьэм и бзэгу хущхъуэщи,  джэдум и бзэгу щхъухыц.

Хьэм и губжь кхъуэм щехьэ.

Хьэм и гъэрищ,  шым и гъэрибл, л1ым и гъэ щэщ1
(Щыми ар я зэманыгъуэф1щ, жыхуи1эщ.)

Хьэм и щхьэр узмэ, удз ешх, блэм и щхьэр узмэ, гъуэгум тогъуалъхьэ.

Хьэм къупщхьэк1э уеуэк1э гъыркъым.

Хьэм нэщ1 щхьэ1уо щоуэ.

Хьэм «Сыпсэумэ, гъэмахуэм унэ сщ1ынщ» же1э.

Хьэм уеуэмэ, нэхъей мэхъу.

Хьэм ущышынэмэ, у и нэк1э укъещ1э.

Хьэмаск1эр хьэ зэщ1эгъавэщ.

Хьэнэфийхэр зэфиегъущ.
(Зэныбжъэгъухэр зэк1уэгъужэгъущ, жыхуи1эщ.)

Хьэндыркъуакъуэр псыдзэм щрихьэжьэм, «Абыи си 1уэху щы1эщ», жи1ащ.

Хьэр банэурэ мэл1эж.

Хьэр гугъу ехьынумэ, чэруаным ядокХуэ

Хьэр делэ хъумэ, зейми йодзэкъэж.

Хьэр зыук1ым ирехыж.

Хьэр зып1ынуми ехь, зымып1ынуми ехь

Хьэр зыщагъашхэм щобанэ.

Хьэр зыщыгуф1ык1ыр и ныбэщ.

Хьэр и бзэгук1э зо1эзэж.

Хьэр и гъуэлъып1э ик1мэ, дыгъужьым ехь

Хьэр мэжал1эмэ, дыгъужь къугъык1э ещ1

Хьэр улэуэнумэ, мэкъушэм ядокГуэ.

Хьэр хьэлывэм щогугъ, делэр гугъэурэ мэл1эж.

Хьэр шынэмэ, и к1эр и бэкъум декъузэ, джэдур шынэмэ, и к1эр е1эт.

Хьэрэмым хьэрэм къешэ.

Хьэрэмыр нэбгъузк1э маплъэ.

Хьэтыкъуейм тегъэзэж я жагъуэщ.
(Xъэтыкъуей — адыгэм ящыщ зы лъэпкъщ.)

Хьэ щэхурыпхъуэм узригъэпхъуэк1ыркъым.

Хьэфизым жэщри махуэри и зэхуэдэщ.

Хьэфизым и гур и гъуазэщ.

Хьэфизым мазэр хуэнэхукъым, фыз мылъхуэ и сабий гъыркъым.

ХьэщГэр зейр гуауэжырыхыц.

Хьэщ1эщыжь нэщ1ыр уэтэущ.
(У э т э у - упщ1эк1э зэщ1эбгъа нэгъуей пщы1э.)

Хьэ1ус ефэгъуэм пашэщ,  хьэ елъэрышэгъуэм к1ашэщ.

Хьэ1уцыдз псори зэщхьу мэкъуг

Хьилагъэ зыхэмылъым «л1ыгъэ схэлъщ» жремы!э.

Хьилэр акъылым щыщщ.

Хьилэр псалъэри л1ыгъэм и лъэр щ1иудащ.

Щэр елъэри, бжьыдзэр къинащ.

Ц1ыв гузавэ дэуэщ.

Щык1у щхьэк1э, лъабжьэщ.

Щыхубзыр илъэс щэщ1 хъумэ, ц1ыхухъу пэлъытэщ.

Ц1ыхугъэ зи1эм жагъуэгъуи и1эщ.

Ц1ыхуми хьэщхьэры1уэ къахок1.

Щыхуф1 и т1ысып1э хьэзырщ.

Чэф хъуа нэужь, зи адэшхуэр зыгъеижам нэхъей.

Чыц1 ажэм зигъэгусэри шхалъэм дэпк1ащ.
 (Гупым яхэмызагъэу зызыгъэгусэм ауаныщ1у хужа1э.)

Шэ зи1эми ешх, шху зи1эми ешх.

Шэджэналъэ къидзыххэнумэ къезгъэдзынщ.
(Къищ1эххэну1амэ къезгъэщ1энщ, жыхуи1эщ.)

Шэм сынок1уэ жи1эркъым.

Шэрэ блэрэ зэблэкГыркъым.
(Фочышэр блэм темыхуэу блэк1ыркъым, жыхуи1эщ.)

Шэс псори шукъым.

Шу гупыр зэдилъмэ, щхьэж игу илъ еш1эж.

Шу махуэ 1умахуэщ.

Шууи укъэмык1уэ, лъэсуи укъэмык1уэ, къак1уи, сыкъэлъагъу.
(Зык1элъызымыгъэк1уэнум и щхъэусыгъуэщ.)

«Шхэмэ, и нэзэрыхъэ мэхъей» жери шыхьащ.
(Хъэкъ имы1эу щыхъащ, жыхуи1эщ.)

Шхэны1э к1ыхьщ.

Шхуэлым шэр щыф1э1уркъым, ныбэм сабийр щезэшыркъым.

Шхуэмылак1эр зыхуэмы1ыгъым шк1эр еубыд.
(Хуэмыщ1энум зык1эрещ1э, зрепщыт, жыхуи1эщ.)

Шхупц1атэхьэ к1уэуэ, зи шынакъ зыгъэпщк1ужам нэхъей.

Шы дэгъуэм уанэ дэгъуэ хуэфащэщ.

Шы зимы1эм уанэ къещэху.

Шы зимы1эр къамышык1э базщ.
 (Б а з щ — ерыщщ, жыхуи1эщ.)

Шы зи1эр къанэри, уанэ зи1эр к1уащ. 

Шы зыгъуэт нэху тещхьэркъым.

Шы л1энум мэкъу пхыр здехь.

Шы пщ1энт1эх л1ыущхьэк1ущ.

Шы сакъ хьэ къедзакъэркъым.

Шы тесык1э зымыщ1эм уанэр екъутэ.

Шы уэдыжь зэдзэ1уалэщ.

Шы хьэху уэсэпс трагъахэркъым.

Шыгъуп1астэм хьэтыр и1эщ.

Шыд и псыефап1э егъэутхъуэж.

Шыд шыгъу ишхрэ?

Шыдым и хьэлъэ ирикъумэ, мэк1уэр.

Шыдрэ пэт илъэсым зэ мэфтрей.

Шыдыр фызышэм щраджэм,

«Пхъэ къэхьын хуей хъунщ», жи1ащ.

Шылъэгум зэбгъэдзэк1ми бук1ми и зэхуэдэщ.

Шым дамэ тету зылъагъур блэращи, блэм лъакъуэ щ1эту зылъагъур шыращ.

Шым ехуэхым ныбэпхым трелъхьэ.

Шым зыщигъэук1урийм иц къыщонэ.

Шым и лъакъуэ и бийщ.
(И лъакъуэ псынщ1эхэм я ягъэк1э ц1ыхур шым мэшэс, жыхуи1эщ.)

Шынэ зи1эм ук1ытэ и1эщ.

Шынэм макъ егъэ1у.

Шынэр и унэ мэк1уэж.

Шыр тесым егъэдахэ.

Шыр пщ1ант1эмэ, уанэр ек1ужыркъым.

Шыф1 Зи1эм дамэ тетщ.

Шыф1ыр ешмэ, пырхъалэщ.

Шыф1ыр ныбжьэгъуф1ым хуэдэщ.

Шыф1рэ гуф1рэ зэхуэщкъым.

Шыф1рэ выф1рэ псыбафэкъым.

Щауэщ1эм и щ1ак1уэри и к1уэк1эри дахэщ.

Щауэ къэрабгъэ нысащ1э гъэшынэщ.

Щэ зыгъэдэ1уэфыр щэ я уасэщ.

Щэ уэстын, щэ я уасэу зы уэстын?

Щэлъахъэ гугъэпсэхущ.

Щэм яубыр щэм я уасэщ.

Щэху гуэр зимы1э щы1экъым.

Щэху нэху и жагъуэщ.

Щихури лъагэ дыдэу док1ей, къыпык1э1акъым мыхъумэ.

Щумыщ1эжым деж пэж жы1э.

Щхъухьышхуэри щхъухьщи, щхъухь ц1ык1ури щхъухьщ.

Щхьэ бжыгъэ ныбэ нэщ1
(Мыхъэнэншэщ, жыхуи1эщ.)

Щхьэк1уэм щ1ак1уэ уегъэщ1.

Щхьэлык1ыр зыхьри мэгурым, щхьэл мывэр зыхьри мэгурым. 

Щхьэм блэр и 1эжьэгъущ.

Щхьэ мыуз п1эщхьагъ тезагъэрэ?

Щхьэщытхъурэ къэрабгъэрэ зэблагъэщ.

Щыблэ зэуэм и гъунэгъу доу1эбжь.

Щыблэр зыгъауэм и 1эдэуадэщ, щхъухьыр зезыхьэм и 1эщ1агъэщ.

Щыкъу нэщ1ым хьэри джэдури йонэц1.

Щымыуэну акъыл, щымыщ1эну былым.

Щымы1эм жэр щ1ыхьэркъым.

Щысу ямылъэгъуар тэджри псчэу1уащ.

Щытхъу мащ1эр убым паш1ащ.

Щытхъу нэхърэ тхъэгъуэ.

Щытым еплъи, щылъыр гъей.

Щыхьэр ц1ыхуншэ хъуркъым.

Щ1акхъуэм къудейщ хужумы1э.

Щ1ак1уэ ныкъуэщ1ыр щыгъынкъым.

Щ1ак1уэ шДагъым л1ы къыщ1ок1.

Щ1ак1уэр губгъуэ унэщ.

Щ1алэ гъак1уи, к1элъык1уэж.

Щ1эныгъэрэ 1эщ1агъэрэ зэкъуэшщ.

Щ1опщыкъурэ пэт жьы еубыд.

Щ1ы ф1ыц1эм щ1эмыхьэжын щы1экъым.

Щ1ыбырыхь нэхърэ ныбэ хьэлъэ.

Щ1ылъэныкъуэшх Мэзытхьэ и жагъуэщ.

Щ1ым и 1эф1рэ 1эф1ым и дагъэрэ.

Щ1ым щ1эс хьэмбылуми ишхын егъуэт.

Щ1ымахуэм къэрэкъурэ гъагъэрэ?

Щ1ып1ищ нэщ1у ялъытэ: псы зыдэмыт псыхъуэ, къэк1ыгъэ зэрымыт губгъуэ, л1ы зыщхьэщымыт фыз.

Щ1ыхуэ къэщтэгъуаф1э щхьэкГэ тыжы-гъуейщ.

Я нэхъык1эм гухъу нак1эр щ1еуд.
(Зи 1уэху зымыщ1эжыф яхэткъым, жыхуи1эщ.)

Яжьэм ф1амыщ1 и тесэнщ.

Ямыубри бэным дэлъри зэхуэдэщ.

Ямыгъэ1у зэхахыркъым.

Ямыгъуэт ятыжыркъым.

Ямылъэгъуа бланэ яук1ыркъым, зэхамыха псалъэ я1уатэркъым.

Япэ нэсым шылъэ1уфэ иребзэ.
(Япэ нэсым и 1уэху док1, жыхуи1эщ.)

Япэ узрихьэл1эр шхыныф1щ.

Япэрыхь 1ыхьэф1щ.

Яук1ыну яшэми, хьэм дзэкъэн хинэркъым.

Яхэмыхьэ хабзэншэщ.

Яхьыр зыхьын мэлъыхъуэ.

1эжьэгъу удыныхыц.

1эжьэгъур яук1ри, зэрыук1ит1ыр зэбгъэдэк1ыжащ.

1эзэ къашэри вынэ ирищ1щ.

1эзэ мыхъу псэхэхщи, молэ мыхъу гуихщ.

1эм илъ нэхърэ Гум илъ.

1эм имыщтэ к1уэдыркъым.

1эмалрэ хьилэрэ акъылщ.

1энэк1э 1эф1щ.

1энэм и пэри и к1эри хъуэхъущ.

1энэр щытыху, гъащ1эм хабжэркъым.

1эрымылъхьэм щ1энэц1урэ и нэц1ак1эр щ1эгъуащ.

1эпхъуамбэхэр зэхуэмыдэ щхьэк1э, зэдошэрыуэ.

1эхъуэ и баш и чэнджэщэгъущ.

1эщэ дэгъуэр гъусэф1щ.

1уэры1уатэр хабзэжыц.

1уэху зэхэмыбз щхьэ гъэузщ.

1уэху убла зимы1эм 1уэху щ1а и1экъым.

1уэхур зэрыпщ1щ.

1уэхур зейм и щхьэджащ1э мэсыс.
(И щхъэджащ1э мэсыс - псэхугъуэ игъуэтыркъым.)

1угъуэ щагъэум ц1ыху щопсэу.

1упэм напэр и хашэщ.