Хьэдэ1усашхэ здэщы1эм 1энэм пэрысхэм лым я ужьк1э лэпс къыхутрагъуващ. Гъунэгъуу зэбгъэдэсит1ым я зыр лэпс пщтырым е1убри къыщисым, и нэпсхэр къыщ1элъэлъащ.

 - Сыт ущ1эгъыр? - жи1эри и гъунэгъур еупщ1ащ.

 - Зи хьэдэ1ус тшхы тхьэмыщк1эр къэк1ыжауэ согъ, - къыжри1ащ.

 Мыдрейри пхъэ фалъэшхуэр къищтэу лэпс пщытырым ф1ыуэ ще1убым, ари къисри и нэпсыр къелъэлъэхащ.

 - Уэ сыт-т1э ущ1эгъыр? - жи1эу адрейр къыщеупщ1ыжым:

 - Ар л1эуэ уэ укъызэрынам щхьэк1э согъ, - жри1ащ мыдрейм.