Насыпыншэу зэман бзаджэм дыхалъхуэ,
Е ж ь у: О-о,
Мылъхуэжыныр пщыжь-уэркъыжьхэм къахукIуэ, уэ-у-о-, уей, сэрмахуэ
О-о
ХьэщIэ къакIуэм пшылI хъыджэбзхэр иращэ,
Жэщыр хъумэ, гупсысэным дегъалIэ, уей, сэрмахуэ.
Щэныбэжщэм пшылI сабийхэр яукIыр,
КIэ имыIэу я гъы макъыр зэхохыр, уей, сэрмахуэ.
Хей ящIамэ, дэ дымысэу къыщIокIыр,
КIэ имыIэу я бэлыхьыр дошэчыр, уей, сэрмахуэ.
Мы гъэрэщым сэкъатыншэу докIуадэ,
Ди кIуэдыкIэм пщылI фызыжьхэр йолIыкIыр, уей, сэрмахуэ.
Япэ лIахэм дащIэхъуэпсу дыкъонэ,
Дяужь къинэм я нэсыпыр текIуэнущ, уей, сэрмахуэ.
Насыпыншэу зэман бзаджэм дыхалъхуэ,
Мылъхуэжыныр пщыжь-уэркъыжьхэм къахукIуэ, уей, сэрмахуэ

Адыгэ IуэрыIуатэ,
"Эльбрус", 1992

Аудио: http://adyga.by.ru/warad_sarmahue.mp3